Cuarentena

Estimadas familias: Elaborei esta proposta de actividades para desenvolver no fogar, neste momento que estamos a vivir, espero que vos sexa útil.
Dada a idade dos alumnos/as, non deberían  de resultar nin tediosas, nin aburridas, nin desmotivadoras senón ir en consonancia coa escola e os seus intereses, respectando o momento evolutivo no que se atopa  cada neno e neno.
Esta suxestión de propostas non son obrigatorias, as que realicedes estarán en función da organización familiar. Non temos que realizar todo o proposto, nin preocuparse polo que non damos feito. Cada familia, segundo as súas posibilidades, escollerá as que máis se adapten, e mesmo outras actividades que vós organicedes poden ter a misma importancia( xogos en familia; lecturas compartidas).
Farei referencia a diferentes ámbitos e, para todas estas propostas, non convén esquecer que necesitan a vosa axuda. A maioria dos nenos/as non poderían facelas sen o acompañamento, supervisión e intervención dunha persoa adulta.

AUTONOMÍA:

É un bo momento para gañar en autonomía e colaborar coa familia:
.  Vestido e aseo.
.  Tarefas domésticas: poñer a mesa, ordenar o armario, colocar xoguetes, ordenar os caixóns, recoller a roupa,...

LINGUAXE ORAL:

.  Compartir cos nenos e nenas o maior número de conversas posibles: verbalizar as nosas impresións,o que estamos a sentir, dúbidas, facerlle preguntas abertas,...
Utilizar unha linguaxe adulta e o máis elaborada posible respectando a súa opinión aínda que nos pareza disparatada.
Somos modelos a imitar e podemos contribuir así a ampliar o seú vocabulario e aprender as normas básicas dunha conversa. Coa formulación de preguntas abertas, nas que non só esperemos un si ou un non, á parte de estimular a linguaxe infantil estamos a ensinarlle aos nenos e nenas a facerse interrogantes e a buscar respostas axeitadas promovendo o diálogo e o intercambio de opinións.
.  Insistir no emprego dun volume baixo para falar, nas quendas de palabra, na utilización de normas básicas de cortesía, no respecto,...
.  Os contos tamén ofrecen moitas posibilidades de entretenemento: lelos, debuxar os personaxes, inventar finais alternativos, facer representacións, crear unha historia diferente cos protagonistas,...

LÓXICO-MATEMÁTICA:

.  Rexistrar nun calendario a data e levar conta dos días que levamos  de peche.
.  Observar o tempo  e rexistralo no calendario anterior.
.  Buscaremos pola casa obxectos que teñan diferentes formas xeométricas; círculo, cadrado, triángulo, rectángulo.
.  Construír figuras xeométricas con palillos, plastilina,...
.  Si temos unha báscula podemos pesar diferentes obxectos, comparar cal pesa menos, cal pesa máis. Ordenalos de maior a menor.

ACTIVIDADE MOTRIZ:

.Exemplos de actividades motrices: Bailar, inventar coreografías, xogar a xestos, o zapatiño inglés, imitar posturas,...

AUDIOVISUAL PARA EDUCACIÓN INFANTIL:

http://www.crtvg.es/infantil/programas/os-contos-do-camino

Serie que consta de 26 capítulos de 10 minutos de duración e está dirixida a un público de 3 a 7 anos. Cada capítulo corresponde á adaptación dunha historia tradicional ou contemporánea publicada en forma de álbum ilustrado por OQO editora.

http://www.crtvg.es/infantil/programas/caracois

A serie "CARACOIS", realizada a través da técnica stop-motion, está dirixida a un público de entre 2 e 4 anos de idade. Os capítulos, de seis minutos de duración, están baseados nas historias dos álbums de Armando Quintero e André Letria. Trátase de cinco libros  de NanOQOs, colección de OQO editora  en cartón duro e pequeno formato destinada aos prelectores.

MANUALIDADES:

https://es.scribd.com/document/397622667/365-Manualidades-para-pasarlo-en-grande-pdf

Libro con 365 manualidades, descargable. Traballa as manualidades con distintos soportes, técnicas,...

Para calquera consulta deíxovos o meu correo electrónico:luciasenorisrodriguez@gmail.com


Un saúdo. Vémonos pronto

Lucía. 😘😘😘
;